الظلم بحرُه نار
داير بأحقر ذنب
والظالم ان قال هات
لا يحوشُه دين ولا قلب
وحش وف. إيدُه الجاه
وف. نابُه ريحة الدم
من عينُه طايرَه النار
على اللي دَيْسُه الهم
داللي ظلم غلبان
هَيجيلُه يوم يِنذل
والعُقْد لو من ماس
هَيجي يوم ينحَل
واللي زرع أشواك
لازم إيديه تنضر
وتفِر فين م .الله
يللي ابتديت الشر
يا خاين الأعراض
العَرض عِفه ودين
تقتِل وتُغدر ليه
شَرعك دا جبتُه منين !؟
رب العباد أغراك
بالمال وعز الجاه
وانت الهوى خلاك
بتجُور بسيف الله
داللي ظلم غلبان
هَيجيلُه يوم يِنذل
والعُقْد لو من ماس
هَيجي يوم ينحَل
واللي زرع أشواك
لازم إيديه تنضر
وتفِر فين م .الله
يللي ابتديت الشر
بَنده واقول يا ناس
يا كل مَن لُه قلب
العيشه بالإحساس
تنجينا يوم الكرب
لو جِه ف. يوم وادَّاك
ربك وزاد عزك
خاف م. الكريم وايَّاك
تظلم ضعيف عَنْدك
داللي ظلم غلبان
هَيجيلُه يوم يِنذل
والعُقْد لو من ماس
هَيجي يوم ينحَل
واللي زرع أشواك
لازم إيديه تنضر
وتفِر فين م .الله
يللي ابتديت الشر
0 comments:
إرسال تعليق