استلمت مؤخراً ديوان "بيادر الحنين" للشاعر جورج منصور، فله ولانجازه الرائع اهدي الابيات التالية مع محبتي وتقديري.

كتابك بيادر درّ يا منصور

جواهر ثمينة.. يسلم المصدر

شِعرك بحضن المبخرة.. بخّور

وانت؟.. ديك الشعر والمنبر

بيادر حنينك كنز بين سطور

كل كلمه لوحدها بيْدر

وقد ما امدح وابدي شعور

اشعارك بتقييمها مقصّر

شِعرك بيضل من المدح اكبر

والشعر عنبيصيح يا رب العباد
ما عدت تسمع لا حراك ولا حكي
وما قدرت تبكي عا حبيبك بو زياد
ولا بو زياد عليك شارك بالبكي

يا حبيب الشعر ضيعانك تغيب
وتبقى الحياة بغيبتك وهم وسراب
يللي لشعري كنت ولقلبي قريب
قلبي انصلب حدك ع جلجلة العذاب
والموت ما بيطلق سهم غير ما يصيب
سهم للي صابك مهجة الشعار صاب
بيرحل حبيب بيلحقو تاني حبيب
تحمل يا قلبي قهر ع فراق الحباب

شو كان يا (حنّون) في شعرك حنين
شعرك صلا ناسك بصومعتو تقي
ما انت قايل هيك للبي الأمين
هللي بدموعو الأرض ع غيابك سقي
«يا دهر لو لمتريت اخدوك السنين
هالمن وراها بيطلع الصبح النقي
بتشوف بيي والعصايه ماشيين
وما فيك تعرف مين ع التاني لقي»

متريت غيمه بالسواد ملفلفي
نور الشمس ختيار فوق تلالها
ما صدقت انو قمرها بيختفي
ولا العندليب الغردّ وغنالها
تخمين تا تلاقيك بعدا مولفي
وتضمك وتشلح عا كتفك شالها
صارت بعد منك عجوز مقفقفي
ومتل الأرامل عنبتندب حالها
شيخ الشباب سموك ما في مغالطه
عملو جنود بخدمتك سهرو كتير
لحد هلق راكعه حد السرير