النهاردة بنحتفل بعيد كل الأمهات
اللي بيتعبوا ويضحوا علشان اولادهم من كسات
واحنا كلنا رجاله وستات حتى الصبيان والبنات
بنقول لكل أم موجودة هنا أنت أعظم الأمهات
================
بتدي من قلبك واحساسك وبدون مقابل
والكل شايف وحاسس حتى لو كان يكابر
وإن قالوا أنها دايماً بتدينا أوامر
دي حتى أوامرك تنور طريق كل عابر
================
فاكرة يا أمي لما سهرتي صاحية طول الليل
وكل الناس نايمة وانتِ جنبي شايفة الويل
لو يوم قلت آة تواصلي النهار بالليل
يا ترى اعمل اية علشان أوفي لك الجميل
================
ولما كنت بسهر علشان صابح عندي امتحان
وانت صاحية شايلة همي والفنجان ورا الفنجان
مش كفاياك طول النهار تعبانة شايلة همي كمان
ويوم ما ظهرت نتيجتي فرحتي أكتر ما أنا فرحان
================
عاوزين يختاروا من الأمهات أم تكون مثالية
حطوا شروط وابتدوا يقولوا يا ترى مين تبقى هية
وابتدوا ياخدوزا رأي الناس ونسيوا أنها هية
يا ناس هو بعد أمي يبقي فيه أم مثالية
================
بيقعدوا الأخوات يفكروا يجيبولها اية هدية
ونسيوا أن طاعتهم ليها يبقي أعظم هدية
لما يبقيوا قاعدين حواليها حتى أسألوها هية
ده نجاحهم في الدراسة والحياة هو أعظم هدية
================
سألني صاحبي أجيب أية هدية وماما في السما
كان نفسي اجيب هدية أقدمهالها بنفسي هنا
قلت له بالعكس افتكر كلماتها لما كانت هنا
وعيش بنور وصاياها راح تبقى حياتك هنا
==============
وانت ياللي نفسك في كلمة ماما تسمعيها
دي مش بعيدة عنك دوري عليها حتلاقيها
يا ما ولاد بيقولوها وهم مش حاسين بيها
تقدري تعليميهم حاجات أمهم ماتقدرش عليها
=============
وأنتم بقي يا أصدقائي وأحبائي يا صغيرين
لازم ندي ماما حقها امال راح ندي مين
علشان تفرح بينا لما نكبر ونبقي ناس مهمين
ونفتكر معاها أيام شقاوتنا لما كنا احنا صغيرين
==============
وزي ما بنحترم ماما لازم نحترم بابا كمان
ده هو اللي بيتعب عشانها وعشنا من زمان
فتح ودانك واسمع الكلام اللي قاله الحكيم سليمان
العين اللي ماتحترمش أهلها راح تقورها الفربان
===============
والكلام دلوقتي لكل أب وكل Mother
علشان يشوف محبتكم كل أخت وكل Brother
لازم تتعلموا الأول ازي تحبوا each other
وبكده تعرفوا تعيشوا المحبة كلكم Together
=============
– إسكندرية
0 comments:
إرسال تعليق