سْمعـْتْ البدر بيهامِسْ النجمات
يتوسَّلن تا يرسلو تـنـْـتـَين
يْطرِّز بماسُن حلوة الحلوات
ع َالخصر ع َالزندين
عَ العنق عَ النهدين
عَ جبين حلوي اسمها جولييت
أجمل ما ألله خالق بـْنيـَّات
إلها اسم ثاني
مذكور بـ غناني
قالوا : بإنها بذاتها "عصفورة النهرين"
من دون كحله مكـَحـَّلي العينين
الجوري زرع وردو على الوجنات
وعشفافها ناسي الكرز حبات
عابق شذاها بروعة الياسمين
عينين حور وشعر نازل عالجبين
فراشه جديده .. زغـَيـَّره وحلوي
والخصر عود الزين عم يلوي
وتاتصير بالعشرين بدَّا سنين
وليومها .. بيعلا صدى الآهات
شو ناعمة وشو مغنجة جولييت !!
****
بالمدرسه جولييت في ريعانها
أرشق أصيله رامحة بميدانها
هـَبّ الهوى وتـْلبـَّكـِتْ جولييت
إيد عَ بلوزه استوى رمانها
وبالتانية بتـْشـَدْشـِدْ بفستانها
صارو الشباب يشجعو جموح الهوى
ويزقفو ويهيصو كلـُّن سوا
وظل الهوى يصَعـِّد صهيلو وما ارتوى
بخصلات شقرا من شعر جولييت
0 comments:
إرسال تعليق