بيعرفو حالهم/ عصام ملكي


يا هلَّي جوَّكم ما انعَّد صافي
ومنكم ما حدا اسمو الرصافي
عا ابجر وهمكم انتو اعتليتو
ومعكم للابد قايم خلافي
بوقاحه للملا «نقدي» شكيتو
وما قلتو منين بتجيبو اللطافه
بصراحه لشعرنا عِّله انسميتو
وعا درب الوزن ضيَّعتو القوافي
دخيل الرب قولو شو عَطَيتو
منكم: للمنابر والصحافه
بكلام الما الو طعمه اكتفيتو
ما فينا نقول يعطيكم عوافي
قلتو نشَّف الالهام زيتو
وشعرو مناسبات وبس: ما في
بلاغه تعمِّر على الاوف بيتو
تا يقدر بالوحي يقطع مسافه
اسمحولي قلكم شهره اشتريتو
ومن الايمان بتكون النظافه
انتهيتو قبل ما انتو ابتديتو
تراث بلادنا قطعتو نصيبو
وثقافتكم بشرعي من السخافه

CONVERSATION

0 comments: