أد إيه كنت حاسس
انى هشوفك
يوم ماكنتى
فى عينى نظرة
اد ايه كنت خايف
اكتب حروفك
تدوب بدمعه
بعينى ..مَرة
اد ايه
كنت راضى
بالقدر
يحكم عليا
كنت شايفك
كنت سامعك
حاسس بروحك
وانت جاية
كنت متأكد
وحاسس
انك بتبادلينى
مشاعرى
كنت سامع
صوتك
وهامس
للنسيم..
يقراه
فى شعرى
ياما كلمتك
ساعات
ياما شوفتك
فى السكات
ياما ..حضنتك
جوا حلمى
وارتويت ..
شهد اللى فات
كنتى دايماً ..
بسمتى
لو دمعى فاض
كنت دايماً
ضحكتى
لو حزنى عاد
كنت فرحى ..
لو غاب شوية
كنت بتداوى
كل الجراح
لو قست
فى يوم عليا
كنت عمرى .
.وكل عمرى
جنب حبك ..
مايساويش
نظرة منك
تحضن عيونى
وبعدها
بلاش اعيش
كنت بتحدى
كل شئ
حتى البعاد
كنت حاسس
انى غريق
قاتله العناد
كنت عارف انى
بتحدى المستحيل
انى لسه شايفك
ومش مهم
تكونى عارفة
ومش مهم
تكونى حاسه
المهم انى عارف
ان حياتى
من غيرك انتى
بدون دليل
والمهم فى كل ده
انى بحبك
وانى حاسس
انى هشوفك
يوم ماكنتى
فى عينى نظرة
0 comments:
إرسال تعليق