هنتعلم/ محمـد محمد على جنيدي

هنتعلم.. هنتعلم

ومهما العمر طال بينا

وكاس العلم يروينا

هنفضل بردو نتعلم

ولو طوفنا بلاد الكون

وزرنا حروف لبعضينا

هنفضل بردو مش عارفين

وننسى ونبقى مش فاكرين

بدينا فين وإمته يحين

يشيب العلم جوانا

ويدبل زهر دنيانا

ويسقط عمرنا معانا

ونخرج منها مش دارين

متى جينا وفين رايحين!

ومين فينا ساعتها يقول

أنا عالم.. أنا عارف .. أنا قادر

يا ريت نقدر مع الآخر

حروفنا تقوم

وتقدر فينا تتكلم

وتحكي عللي ف. نهايته

بيستسلم!!

وطول وقته بيتألم

ويتحسر على ماضي

ف. يوم كان فيه بيتعلم