أمي/ عباس علي مراد

أمي من بلاد الغربة الأليمة
من القلب والروح الك سلام
جبال الشوق على بساط الريح
محملها حتى تنقل لك احلى الكلام
صورتك بقلبي مزروعة ومبروزة
وعليها كل يوم بوعا وبنام
صوتك من بعيد بيحمل المحبة
للي دوم بتنور الأيام
صغار كنا او الشيبة عالراس
انت لنا مصدر امان والهام
ولأن الرب هو الغفور الرحيم بقول:
رسالتك بتساوي رسالة نبي وامام
لأنك بترعي بالنشئ روح الانسان
والله بيبعث الانبياء للأمان صمام
ومعك الحقيقة بتنجلي وبتبان
وبمحبتك تطهر القلوب من الاثام
ومن مدرسة الامومة بتتخرج الأجيال
بتتعلم الصبر وعن الشرور الصيام
وان شاء الله بنرجع
ومع بعض نجتمع وتتبدد الآلام
ونعوض اللي فات من الزمان
ويسكن الفرح بقلوبنا عالدوام
واليوم بعيدك بطلب من الرب
يطوّل عمرك على مدى الأعوام.
سيدني 12/05/2013