أحنا مالنا سيدي مالنا
مالو لو ترحم عيالنا!
أحنا ستين عام صبرنا
واللي حشناه راح لغيرنا
خلي بالك م. الولاد دول
جيل مهواش زي جيلنا!
لما يغضب انت عارف
شال ف. لحظه اللي فقرنا
مش هيسمح ليك تساومه
مش هيشرب كاس مرارنا
مش هيسمح ليك تلاوعه
مش هيرضى يبيع حقوقنا
راح يحاسبك كل لحظه
ع. اللي جاي واللي جرالنا
دول مش احنا قولي مالك
مش كفايه سنين سكاتنا!
دول عجينة نار هتمسك
كل أيد ظالم ظلمنا
يعني مش ممكن خداعهم
تفتكرهم مين يا سيدنا!
فوق وسلم بين إيديهم
خير ومستقبل بلدنا
0 comments:
إرسال تعليق