(كاتب وشاعر )
بحبك يا مصر
بحبك بجد
رغم إن حبك
فى جذب وشد
ورغم إن طيب
ودمعى قريب
لكنى ودينى
أخزق بإيدى
عيون أى حد
يفكر يهوب
أو يتعدى حد
بحبك يا مصر
وعاشقك بحالك
بفقرك بمالك
نساكى ورجالك
ودوشة عيالك
بزحمة شوارعك
بضحك بدمعك
ووجعك ودلعك
بعالمك بجاهلك
بطالبك بصا يعك
بلحية وما لحية
بجرجس ويحى
ويسقط ويحيا
بحبك يا مصر
بحبك شقية
وقادرة وعافية
وشامخة وأ بية
يا ناعسة وبهية
وصلبة وعصية
وفاهمة وزكية
وعارفه اللى بيه
ورغم الأسية
بحبك يا مصر
حضارة ومنارة
وعركة فى حارة
وخفة وشطارة
وبيضا وسمارة
بحبك يا مصر
بجيبى اللى فاضى
وعايش وراضى
وعمرى ما طاطى
لخاين وواطى
بحبك يا مصر
بحبك مدارس
جوامع كنايس
وحافى ولا بس
ونايم وحارس
وزفة عرايس
بحبك يا مصر
بحبك فى فولك
وبصلك ودومك
ومنشر هدومك
وزحمة طابورك
بحبك يامصر
بحبك تعيشى
فى أو مافيشى
وحفضل أأقلك
وماتزهقيشى
بحبك يا مصر
0 comments:
إرسال تعليق