يابهية وخبرينى ع اللى قتل ياســـــــــــــــــــــــــــــــــين
يابهية وكلمينى طب ليه إتقتل ياســــــــــــــــــــــــــــــين
يابهية إوصـفيلى إزاى قتلوا ياســــــــــــــــــــــــــــــــين
ردت بهية حزينة مكســـــورة ودموعها نازله م العينين
قالت قتله مصـــــرى زيه لكن لاعنده مله ولا عنده دين
ده ياســـين كان شــــــاب مصرى عمره يادوب عشرين
كان نفســـــه يشــــــــوف بلاده حُره طـاهره م الظالمين
نزل يعلنها بصــراحه فى الشوارع والحوارى والميادين
حتعيشـــــــى طاهره يابلدى وفخورة بولادك المخلصـين
طلعوا عليه كلاب الحراســـــــــــــــة جعانين مسـعورين
ضربوه بالرصـــاص الحى فى صدره وكمان فى العينين
إفتكروا لو مات ياسـين حتموت بهية وتكون م الهالكين
نســيوا إن لو مات ياســــــين فى غيره ألف ألف ياسين
وعد ومكتوب على كل مصــــــرى ومسـطر على الجبين
ناخد حقك ياولدى ونقضــــــــــــــى ع الخونة المجرمين
وتعيشى حرة وطاهرة يابهية وفداكِ مليون ياســـــــــين
يا بهيّة وخبرينــــــــــــــــــــــــي وقولى مين بكّاكي مين
مين عايز يطفى شـموعك ويســـــــــــــــــيب ليلك حزين
مين عايز يخمد ثورتك يقتل فرحتك يخــليها حزن وانين
مين يابهية باعك ومين إشترى ومين شـايلك ف العينين
ياأغلى من عنية يابلدى ياعشــــقى ياحضن الموجوعين
وعد ومكتوب على كل مصــــــرى ومسـطر على الجبين
ناخد حقك يابلدى ونقضـــــــــــــــى ع الخونة المجرمين
يابهية وخبرينى ع اللى قتل ياســـــــــــــــــــــــــــــــــين
يابهية وكلمينى طب ليه إتقتل ياســــــــــــــــــــــــــــــين
يابهية إوصـفيلى إزاى قتلوا ياســــــــــــــــــــــــــــــــين
raafat.1963@gmail.com
0 comments:
إرسال تعليق