إحترام للإعتصام إضربوا له تعظيم سلام
لحد إمتى حيفضلوا يمنعونا م الكلام
لحد إمتى حتكون العصايا والقنابل والرصاص
إيد التخلف للنظام
بأى حق تمنعونا
نمارس حقوقنا فى الكلام
يعنى إيه شباب مسالم ينضرب
ينسحل ينقتل
من جندى جاهل من غير علام
كل االلى همه ينفذ مهمة
يقول فى النهاية كله يافندم تمام
لسه ماسقطش النظام
لسه اللى جوه السجون
همَّ اللى بيديروا النظام
حلفوا ماتعيشى يامصر فى أمان
ولا تتقدمى يوم للإمام
يعنى م الأخر وببساطه
ناويين بجد ع الإنتقام
يعنى إيه لما أقول رأى بصراحة
يبقى فى شرعهم وزر وحرام
يعنى إيه أدى ثقتى لناس تحمى ثورتى
ألاقيهم بيحموا ثورة تانية
إسمها فلول النظام
لسه ماسقطش النظام
عملت إيه ثورة يناير
من تغيير وعدل وسلام
ثورة ماقدرتش تحاكم للنهارده
بعض رموز النظام
يبقى ضرورى بجد ثورة تانية
يقودها شبابنا الهمام
بس ثورة يكون ليها قائد
نضرب له تعظيم سلام
صدقونى ثورتنا جاية
دى الحقيقة مش كلام
ثورة تحقق العدل فى بلدنا
تفوقنا من الغفلة من الاحلام
ثورة تخلينا صف واحد قلب واحد
زى المصلين خلف الإمام
مصر محتاجه تنضف بجد
من كل أعداء السلام
مصر محتاجه كل وطنى
محتاجه حب محتاجه جهد مش كلام
ساعتها بس نحقق حلمنا
والشعب يُسقط النظام
0 comments:
إرسال تعليق