شاعر أنا.. وما بقول حايللّه
العلاّ ما بقدر قول ما علاّ
بدقات قلبي بقول جورج غصين
وين متلو رح نلاقي وين
من غير جبله جابلو أللّه
لربّو فقط عم يطعجو ركابو
وعم يبرم عْلى الخير دولابو
اسمو صديق الجاليه والخي
تا يذكّر العالم بحاتم طي
بيضلّ حاطط ديه بجيابو
بيقول فارش للوفا بساطي
منّو بفيّة إصبعو لاطي
كلّو وعي وإخلاص قلبو كبير
للّي بيقللّو عم بتعطي كتير
بيقول وحدو ربّنا العاطي
بيقدر يجيب من الضعف قوّه
من المستحيل يقلّل مروّه
خلقان هوّي والمحبّه توْم
بتتغيّر العالم بيوم ويوم
وبيضلّ هوّي متل ما هوّي
0 comments:
إرسال تعليق