يتيم الخال والعم/ رأفت محمد السيد

خايف عليك يابنى من بعدى
من قســـــــــوة الخال والعم
أصل المســــــــــألة خلاص
مابقتش تنــــــــــقاس بالدم
والقـــلوب خلاص اتحجرت
واتشـــــــــــــــــــبعت بالهم
ياخسارة البطن اللى شـالت
أم وخـــــــــــــال وأب وعم
زمــــــــــن العجايب يازمن
الدم فيك مَيَّه متعكرة بالسم
وياألف حســـــــــرة ع الدم
اللى مابقـــــاش خلاص دم
الخال بقى خال بالإســـــــم
والعم مابقــــــــــــــاش عم
ده اليتيم مش يتيم أب ولاأم
لكن يتيــــــــــم الخال والعم