نَجمة صُبْح/ محمود شباط

متلْ القَبَسْ من عبّ عَتْمة صَيْفْ

نجمة صُبحْ بـ الجَـوّْ ضوَّيتي

ماسِه نَقيِّه ما وَشَمْها الزَّيفْ

طـْوِلـْتي .. وماشالله شُو تْحلَّيْتي

بْفستان وَرْدُو زْرار رَوض الطَيف

فـِتْنه وأنوثه و دُرّ خبَّيتي

عَ كلّ حَوْرِة عَين عِندِكْ سَيفْ

وْ عَ كل نَهْد نْبَال شدَّيتي

عنتر لـُو "عنتر" رَحْ يْنالو الحَيفْ

لَزنود عنتر أيش خلَّيتي

رِقـِّي وحِنـِّي واحْسِبيني ضَيفْ

مْشَرَّدْ .. ما عندي بَيت في بَيتي

وهِلِّي برُبُوعي تا يْهلّ الْكَيْف

كلّ ما عَ وادي التَّيمْ هِلَّيتِي