غنوة لبكرة/ ايمان حجازى



ياهلترى مسموح

أفتح عيونى وأبوح

بصوت جلى مش منبوح

أصرخ بأعلى الصوت

يابكرة مشتاق موت

أزرع ف أرضك شجرة

وأسهر ف حضن القمرة

أنا وحبيبى وغنوة

ويقوللى غنيلى

وسهرى ليلى

الليلة يا سمرة

غنيلى غنى شوية

بصوتك الحنية

تبقى الليالى هنية

قوووللى بحبك موت

وعالى بيها الصوت

وأنا هقول وياكى

وأغنى يامحلاكى

وهقول كمان وهعيد

كان يوم لقاكى عيد

غنت عشانو الطيور

وإتلونت له الزهور

غنى وقولى لى كمان

يازهرة البستان

ياعمر لسة ما عشتو

أنا شامم فيكى ريحتو

ضمينى ضمى هواكى

ودوبينى معاكى

بكرة مش بعيد

بصى معايا هناك

أهو جاى

ورى الشبابيك

جايب معاه الضى

وفجر مالو زى

تعالى مدى الإيد

تحضن معاها الإيد

وتضم بيها الوليد

CONVERSATION

0 comments: