قضية حب/ رأفت محمد السيد


بتقوليلي إني خلاص بعت القضية
إزاى أبيعك ؟
وانتى ياعمرى كل اللي ليا
لما تكون القضية هي إنتِ
تبقى قضيه مش عاديه
إزاى أبيع القضية ؟
بيع القضية حكم بالإعدام لقلبى
اللي حيكون هوَّ الضحية
إزاى أبيع القضية ؟
وأنتِ عوضي عن كل أيامي اللي راحت
عن سنين عمري اللي جايه
إزاى أبيع القضية ؟
وانتِ الوحيدة اللي حاسة بيا
أنتِ بالنسبة لى طوق نجاة
من غدر الدنيا ديا
إزاى أبيع القضية ؟
شوقي ليكِ نارمابتنطفيش
دايماً يعيد فتح ملفات القضية
إزاى أبيع القضية ؟
بتمناكِ حتى " يوم "
من عمري اللي جاى تكوني ليا
أفجرفيكِ براكين أنوثتك
اللي مش حتخرج إلا بيا وليا
ويكفينى من شفايفك اعتراف
إني بالنسبة لك أنا الفارس وأنا الخيال
وأنتِ أجمل مهره شافتها عنيا
ساعتها بس حتعرفى إنى عاشق للقضية
وإنى عمري ياعمرى ماحبيع القضيه

CONVERSATION

0 comments: