ماتخدش على كلامـــــى واعتبره من أوله هطــــــل
الله يجازى اللى نفخوك وعملوا منك بطــــــــــــــــل
صوروك للناس ملاك وكأنك مش بشـــــــــــــــــــــر
عملوا منك رمز وخلوك المهدى المنتظـــــــــــــــــر
وكأنك بقيت لينا قضــــــــاء وحتفضل من بختنا قدر
يعنى اية شعب بالنسبه لجنابك يعنى شــــوية حجر
على شوية شــــــــــــــــــــــــــــــــــــــــــــــــــــــجر
إحنا بالنسبة لك كلنا شوية حســـــــــالة شوية غجر
كنت بتحسسنا إننا مخلوقين عشـــــــــــــــــــــــــانك
كلنا فدا امنـــــــك كلنا هنا لأمانـــــــــــــــــــــــــــــك
مانت الفارس الهمام اللى عبر بينا وانـــــــت البطل
ولو بعدت حيحصل فراغ ويمكن نموت او نــــتــقتل
رغم إننا فى الحقيقة كده كده ميتيـــــــــــــــــــــــــن
مرة فى وجود سعادتك والتانيه لو قلنا يرحل البطل
سامحنا أصل إحنا شـعب يستاهل كل اللى يجرى له
تعبنا م المشـــــى جوه الحيطان والكل راضى بحاله
يبقى ليه مستكترين علينا زى بقية الشعوب نعيش
مستكترين علينا ننســــــــــــــــــى يوم كلمة مفيش
مفيش شغل مفيش فلوس مفيش عداله مفيش مفيش
مســـــــــــتكترين علينا نشم هوا مش تحت إشرافك
نحس إننا أحرار ولو رمـــــــــــــتنا من على كتافك
نحس إن كل واحد فينا لايوم عرفك ولا حتى شافك
نحس إننا ولو لمره مش حجاره ولا شــــــــــــــــجر
نحس إننا بنى أدمين بجد وإننا من جنس البشـــــــر
0 comments:
إرسال تعليق