وده مش جنون/ هبه عبد الوهاب

تسمحــــى..

تسيبيلـــى عـمـــرك أبـــدأه

تشــهـــدى..

عـلى حــلم مــات

مــن يــوم م ضـاع من مــبدأه

لــو كــنتى أرضـى ودنــيتى

اوعــاكى تبـكى ع الشهــيد

وتخــافى ليـمُوت الـولــد

ايـاكى تنســى عنـوتـك

_لو مـات ف بـطنـك يــوم وليــد

فى الــف غيــره هيتــولــد _

***

لـو ضاقـت الأرض بطمـوحـك

وبجــروحـك

أيـّـاكى لــو يــوم تنحـنى

اطـلـقـى أبــراج حمــام

ازرعـى عُمـــرك زيتـــون

ابنـى تكعيبـة عنـب

ارميــنى للـّلـيـــل اللــّئيـــم

متخـــافيـش..

هيكـون حنــــُـون

لــو كنتــى أرضـى

مــش حـاتـوه

أنــا حــَـرجَعــك وحــرجّعــك

صــدّ قيـنــى ..

ده مــُــش جنـــُــون

وحــادور ادوّر ع اليتيــــم

اللـــّى أمـّـه اتــرمـّــلت

واللــّى سكنــاه الظـنـُـون

لــو كنـتـى أرضـى متخــافيــش

ولا تنحنـى

حـ نقـــوم نصـلــّى ف معبــدك

ياللــّى اتـّجــاهـك قبـلتى

يــاحــد حــلم مــالــوش حــدود

ليـلـك المليــان همــوم ..

حـ يضُــم يــوم نفــس الهـلال

وحــتـرجعـى لكـُـل الـوجـُـود..

مــن غيــر غيـــُوم

و الحــلم فى حضنـك حـلال

****

بقعــة الــدّم اللـّى هـربت..

مـــن سنيــن

حـ تـــرُد لعــروقـــك حيـــاه

وحـ تنطــلق عشــق ودفــا

ووشـــوش بيمـــلاهــا الـــوفـــا

نبضــــة حنيـن .. وثبــات و ديــن

تــكبيــــره بتقــول..

الـصــــلاه

سجـــده فـــوق طهـــــرك..

نجــــــاه

صــرخـه تعـلن وقـفـتــك..

ضمـــّـه لـروح العطشــانيـــن

ولعنــه تحـــرق كـل آه

لـو كنتـى أرضــى

متـخــــافيــش ولا تنحـــــنى

أنـــا حـارجـعك..و حـرجـــّعـك..

صـــدقيــنى

ده مـــش جـنـــــون

______