رُحــْـت أستخـرج بطــــاقة
سألني: إسمك؟
قلـت: عَبـْـدُه
قال: عَبـْـدُه إيـه؟
قلـت: عَبـْـدُه عَبـْد رَبــُّه
قالـّي: الإسم بالكامل يا عـَم عَبـْـدُه
قلت: عَبـْدُه عَبـْد رَبــُّه عَبـْد الإلــَه
قال: واسم أمَّـك؟
قلتله: طبعاً إسمها الست أم عَبـْـدُه
وخالتي اسمها اخـت أم عَبـْـدُه
***
قالـّي: بلاش تريقة يا عم عبـده
وخد السؤال اللي بعـْـدُه
عنوانـك وتاريخ ميـلادك يا عـَـم عَبـْـدُه
قـُلتهمله وراح كتبـهم في السِّجـِل عَنـْـدُه
***
سألني: دينـَـك؟ قلـت: ديــني!؟
إيـه لازمتــه يكـون في البطـاقة!؟
حَنـْبـَـكة.. والا عَيــاقة!؟
قال لي: لازم بالقانون أحط دينـك في البطـاقة
قلـت ديــني مكانه قلبي مش مكانه في البطاقة
يعـني ديـني أمـر شخصي يخِصِّـني
ليه الحكومة عايـزة ديـني؟ دِلــِّـني
والا اقـولـَّك
بلاش تقولـّي... انا حاقـولـَّك
***
الحكومة الخايبة تحشي في كل شـيء
ديـني ودينـك
عشان تميـِّز في الحيـاة بيـني وبينـك
ديـني أمر خاص.. بيني وبين إلـَهي
لا دخل فيه للحكومة.. ولا للملاهي
أمـْـر مش عايـز مناقشة أو خنـاقة
أمر مش عايـز تحايــل ولا تسجيل في البطـاقة
***
في البــلاد الحـُـرَّة اللي سبـقـونا... بجــدارة
فــَن وأدب وعلـوم وأخـلاق وسياسة واِدارة
نـَـوَّروا الكـون جميعه بالثقـافـة وبالحضارة
قادوا شـُعلات نـَوَّرت للكل
مش بس شمعة
من علـوم لهندسة لطـِب لاختراعات بروعة
الأديان عنـدهم أمر شخصي متروك للعبـادة
مش للتحَـكُّم والسيــادة
***
يا ريت تفهم العُـربان أسباب التقـدم والقيـادة
بدل ما يلطعـوا الدين في الاستمارة
في الشهــــــــــادات وأوراق الإدارة
وفي الدسـتـور وفي رُخَـص السواقة
وطبعـاً في البطــاقة
علشان تميِّـز بالديانة بين مواطـن ومواطـن
الأمـر فيه المَكـر.. زي الشمس بايـن
***
كرَّهونا ف بعضنا وفرَّقـونا
حَطموا وحدتـنا.. وحطمونا
وخيـِّبوا بلادنـا خلـُّوها نايمة مكعـوَره
متجمـِدة ومتأخـَّـرَه
بقينا في صَف الأمم واقفيـن ورا
***
نسيـنا حريــة وحضـارة
وقعـدنا في قعـر المغارة
هجـرنا أسـواق الثقــافة
ومسكنا أهـداب الهيــافة
متزمّتـين، متشددين، متعقـَّـدين
ماسكين سيوف وعمَّالين نمضُغ في ديـن
بقينا لو قولنا بنمشي.. بنمشي بس لـِـوَرَا!
وشعبنا لو قولنا عايـش.. عايـش بمُقـْدَره!
بقينا للأسـف
عايشين في نُقـرة أو في حُفرة أو في طـاقة!
وكل هَمـِّـنا نسجِّـل الديـــن في البطـاقة!
***
بأقـول لك إيـه يا عـم يا بتـاع البطاقة
بلـَّغ العَسكـَر، بلـَّغ المُحضَر
بلـَّغ الصُحْبة والإخـوان والقاضي والسجّـان
والترجمان والبرلمان وحُرَّاس الديـوان
بلغ كل اللي صوتك يطـولـُه
بلغ اللي انـا عايـز اقـولـُه
أنا قبــطي
أنا قبــطي يعني مصـري
بالبطـاقة، ومن غير بطـاقة
لو حَـد يسألني ما بانكـِرش ديـني
وولائي للوطـن راجـع لأخلاقي وِديـني
بلـَّغـهم
يشيـلوا من البطاقـة الديـن
وكل انسان حسابه مع ربُّـه في يـوم الديـن
احنا مش على باب الجنـَّة
ندَخَّــل مين، ونمنَـع مين
كلنـا أبنــــــــاء وطـن.. عمره من عمر الزمن
أقبـاط ومسلمين، ونــاس تانيـين
كلنــا مواطنيـن.. متســــــاوييـن
ودي بطـاقة لإثبـات الهوية
يتحَـط فيها فقـط يا مصري يا مصرية
يا مؤمنيـن يا عادليـن
قولوا آميـن
وشيلـوا منـها الديـن
ومن الرقم القومي شيلوا (1) وشيلوا (2)
بلاش مَكـــر وحَــداقة
وبلاش تلاعـب أو تآمـر بالبطاقة
مهندس عزمي إبراهيم
سألني: إسمك؟
قلـت: عَبـْـدُه
قال: عَبـْـدُه إيـه؟
قلـت: عَبـْـدُه عَبـْد رَبــُّه
قالـّي: الإسم بالكامل يا عـَم عَبـْـدُه
قلت: عَبـْدُه عَبـْد رَبــُّه عَبـْد الإلــَه
قال: واسم أمَّـك؟
قلتله: طبعاً إسمها الست أم عَبـْـدُه
وخالتي اسمها اخـت أم عَبـْـدُه
***
قالـّي: بلاش تريقة يا عم عبـده
وخد السؤال اللي بعـْـدُه
عنوانـك وتاريخ ميـلادك يا عـَـم عَبـْـدُه
قـُلتهمله وراح كتبـهم في السِّجـِل عَنـْـدُه
***
سألني: دينـَـك؟ قلـت: ديــني!؟
إيـه لازمتــه يكـون في البطـاقة!؟
حَنـْبـَـكة.. والا عَيــاقة!؟
قال لي: لازم بالقانون أحط دينـك في البطـاقة
قلـت ديــني مكانه قلبي مش مكانه في البطاقة
يعـني ديـني أمـر شخصي يخِصِّـني
ليه الحكومة عايـزة ديـني؟ دِلــِّـني
والا اقـولـَّك
بلاش تقولـّي... انا حاقـولـَّك
***
الحكومة الخايبة تحشي في كل شـيء
ديـني ودينـك
عشان تميـِّز في الحيـاة بيـني وبينـك
ديـني أمر خاص.. بيني وبين إلـَهي
لا دخل فيه للحكومة.. ولا للملاهي
أمـْـر مش عايـز مناقشة أو خنـاقة
أمر مش عايـز تحايــل ولا تسجيل في البطـاقة
***
في البــلاد الحـُـرَّة اللي سبـقـونا... بجــدارة
فــَن وأدب وعلـوم وأخـلاق وسياسة واِدارة
نـَـوَّروا الكـون جميعه بالثقـافـة وبالحضارة
قادوا شـُعلات نـَوَّرت للكل
مش بس شمعة
من علـوم لهندسة لطـِب لاختراعات بروعة
الأديان عنـدهم أمر شخصي متروك للعبـادة
مش للتحَـكُّم والسيــادة
***
يا ريت تفهم العُـربان أسباب التقـدم والقيـادة
بدل ما يلطعـوا الدين في الاستمارة
في الشهــــــــــادات وأوراق الإدارة
وفي الدسـتـور وفي رُخَـص السواقة
وطبعـاً في البطــاقة
علشان تميِّـز بالديانة بين مواطـن ومواطـن
الأمـر فيه المَكـر.. زي الشمس بايـن
***
كرَّهونا ف بعضنا وفرَّقـونا
حَطموا وحدتـنا.. وحطمونا
وخيـِّبوا بلادنـا خلـُّوها نايمة مكعـوَره
متجمـِدة ومتأخـَّـرَه
بقينا في صَف الأمم واقفيـن ورا
***
نسيـنا حريــة وحضـارة
وقعـدنا في قعـر المغارة
هجـرنا أسـواق الثقــافة
ومسكنا أهـداب الهيــافة
متزمّتـين، متشددين، متعقـَّـدين
ماسكين سيوف وعمَّالين نمضُغ في ديـن
بقينا لو قولنا بنمشي.. بنمشي بس لـِـوَرَا!
وشعبنا لو قولنا عايـش.. عايـش بمُقـْدَره!
بقينا للأسـف
عايشين في نُقـرة أو في حُفرة أو في طـاقة!
وكل هَمـِّـنا نسجِّـل الديـــن في البطـاقة!
***
بأقـول لك إيـه يا عـم يا بتـاع البطاقة
بلـَّغ العَسكـَر، بلـَّغ المُحضَر
بلـَّغ الصُحْبة والإخـوان والقاضي والسجّـان
والترجمان والبرلمان وحُرَّاس الديـوان
بلغ كل اللي صوتك يطـولـُه
بلغ اللي انـا عايـز اقـولـُه
أنا قبــطي
أنا قبــطي يعني مصـري
بالبطـاقة، ومن غير بطـاقة
لو حَـد يسألني ما بانكـِرش ديـني
وولائي للوطـن راجـع لأخلاقي وِديـني
بلـَّغـهم
يشيـلوا من البطاقـة الديـن
وكل انسان حسابه مع ربُّـه في يـوم الديـن
احنا مش على باب الجنـَّة
ندَخَّــل مين، ونمنَـع مين
كلنـا أبنــــــــاء وطـن.. عمره من عمر الزمن
أقبـاط ومسلمين، ونــاس تانيـين
كلنــا مواطنيـن.. متســــــاوييـن
ودي بطـاقة لإثبـات الهوية
يتحَـط فيها فقـط يا مصري يا مصرية
يا مؤمنيـن يا عادليـن
قولوا آميـن
وشيلـوا منـها الديـن
ومن الرقم القومي شيلوا (1) وشيلوا (2)
بلاش مَكـــر وحَــداقة
وبلاش تلاعـب أو تآمـر بالبطاقة
مهندس عزمي إبراهيم
0 comments:
إرسال تعليق