في ذكرى رحيل الموسيقار الكبير فريد الأطرش في يوم السادس والعشرين من شهر (ديسمبر) عام 1974.
لحن خلود فنك يا فريد
مالك قلبي ف. كل وجود
مهما تغيب حبك موصول
مالي قلوبنا وما له حدود
أول همسه لحب قابلته
غنوه تهد جبال وسدود
عمر ما غاب فنك عن قلبي
بيطمني ودا المعهود
عارف إن كتير بيغنوا
بس غناهم شيء ما يفيد
مين ترجم إحساسه الصادق
مين دوبنا ف.لحن خلود
مين خلّى العود غنّى وسلّم
واتهنابه قريب وبعيد
مين فنان زيك كان صادق
لحنه تملي كأنه جديد
إحساس من نور عايش فينا
دا اللي انا حسه وعايشه أكيد
إن مفيش غيرك في ضميري
واللي هويته وبس فريد
0 comments:
إرسال تعليق