قالت تركني وغيبتو بالقلب نار
وصوتا اختنق بالاخ والهم الغميق
وقلبا سكن بالجرح حتى جرح صار
ينزف الم بيجسم بالماضي غريق
وغصت بحرقة ودمعها عبى البحار
وصرخت ضيعان العمر والحب العتيق
معقول ورد الحب يعميه الغبار
والعمر ياللي راح يمحيه الحريق
يقلي يا حبي البكر يا شمس المدار
عيونك بقلبي وما الي غيرن رفيق
رح ضل حبك لوبقي بعمري نهار
انت وانا سويي رح نكفي الطريق
ومرقت دقيقة تاملت وجا الحزين
نهرالحزن من فوق حاجبها عبر
وموجات حمي برد حب الياسمين
يغذي النهر ت تسكر دموعو النظر
وعيونها كاسات خمر معتقين
احمرو بتعب وتكحلو بليل وسهر
وبايدها غمرت وراق ملفلفين
الفيهن بيقلها انت القمر
شلحتها من ايدها كمشة ورق
الكانو حروفا بالمرارة ملزقين
ومرقت ع بالي سطور من ماضي مرق
كانت دموع وقهر آهات وانين
تذكرت قلب انشال من ضلعي انسرق
وتفتقو الغرزات بيجرحي الدفين
ومن كتر ما شديت ايدي عا الورق
نقط الحبر و صار يبكي من الحنين
وتنتفت الحروف والماضي احترق
وتفركشو الكلمات ونخلطو السنين
0 comments:
إرسال تعليق