يا طفل ال جايي يبشّر بالله
من بعيد نورك عالدني تجلّى
بمغارة صغيرة عالدني طلّيت
تواضعت حتّى فيك نتعلّى
يا رب عملني لحبّك بيت
بيساع حبّ الدني كلّا
يا رب ع اسمك دمع صلّيت
حتّى الكل بالعيد يتهنى
يا رب اول رسالة الك وديت
رجّع الغيّاب تا العيد بالفرح يتحلّى
تاني رسالة
كفكف دموع الحزن عالسكيت
من عيون جار عليها الحزن و تجنّى
دفّي الفقير اللي ما عندو بيت
عزّي اليتيم برحمتك كلّا
تالت رسالة
ياما تعب عن قلبنا محّيت
يا رب بعّد المرض عنّا
بقلبي غصّة وحرقتي خبّيت
ورحمتك يا رب بتمنّى
وآخر رسالة
بميلادك تجلّيت
المجد لا أسمك يا طفل ألله
بيمينك عالوطن سيّج بإيدك حيط
يرد الحرب ويحفظو منّا
وكل ما مرقت فوق الدني يا ريت
تبارك الأرزات حتّى الأرز عالكون يتعلّى
ميلاد مجيد أصدقائي أعاده الله عليكم وعلى عائلاتكم بالصحة والخير والبركة ;كل عام وأنتم بخير
0 comments:
إرسال تعليق