عيد التنكر/ جوليات أنطونيوس

جايي عا بالي عيّد ولاد صغار
بعيد التنكر والوجوه المستعارة
وإبعتلهم قمح وصلا وخبار
عن وجه اتنكر بوجه القذارة
هربان من كفر و ظلم أشرار
لا دينهم اسلام ولا نصارى
إحكيلهم عن بنت هربت من الدار
تا تحمي إيمانها من ويل الكفارة
ما تصدقوا كل شي بتسمعو اخبار
انو مش حقيقي وجه بربارة
هالعيد هو للصلا تذكار
للحب والايمان ..للطهارة
مش لوجوه مقنعة بالذل والاتجار
مش لقلوب مرهوني للحقارة
هالعيد هو للتخشع والوقار
مش للتزلف والشطارة
بس الحقيقة انّو بيعلم الكبار
صار الكذب إسمو وجه بربارة

CONVERSATION

0 comments: