شوفو الحلو كيف الحلو ماشي/ محمود شباط

يا حلوة لـْما تـْكـَوَّنْ بـ حسنـِكْ حـَلا

هامك شمخ عالسرو

صار السرو لا شي

فجرك بزغ ونجوم الثريـَّا اعتلا

تـْلـَبـَّكْ بهير الشمس

وانصاب بْغـْبـَاشي

وطل السنا عَ طـَلـّتـِكْ قـَلـِّـكْ هلا

إنتي ملا ؟

أو طيف لـ فراشه ؟

وتسربلو الأبراج بعالي العـُلا

وبأصبعو دل الدلو : شوفو الحلو ! كيف الحلو ماشي !!

خـَلِّي حلا للناس غـَلَّيتي الحلا

بحسنك ما شفت وجوه عالشاشه

في بسمتك شهد العسل ..

وبرمشة هـْدابـِكْ صلا

و عَ مبسمك برعم ورد ناشي

يا حلوتي ! يا ريم ! يا زين الملا

نـ ْ غـِبـْتي شغافي بيجمد بقلبي

و جمرة حضورك نار جـَيـَّاشي

**
من شربل بعيني إلى محمود شباط

ما قلتلَّك بعدَك شبّ
زْغَيَّر وكتير بْتِنْحَبّ
الشّاعر يا خَيّي محمود
رِسْمالُو.. دقّات القلبْ