حرْمو المسيحي من لفظ الله/ عصام ملكي


قُولو لـَهلـّي عـــم يشدّو طلـــوع
إنّو التعصّب بالدِّني ممنـــــــوع
نحنا الوفا مـــــــن جلـْدنــــا آكِل
وعندن شيوخ بيخْلقو مْشاكـــــل
منشان يبقى صوتهن مسمــــوع

مــــــــا في مَحبّه بقلبهن جَــــوّا
ومــــا في حـــــدا بيحبّ يتروّى
شو صار بحياة السما شو صار؟
هيدا تعصُّب مـــــــــــا إلـو دبّار
آدم أبونـــــا وأمّنا حَـــــــــــــــوّا

بقول بْصراحه ومـا وِطي سَقفي
والعزّ عندي مَصْــــــــدرو وقفِه
بْلـُوم الشعب والمحكَمِــــه بتنلام
الله بيقولـــــــــــــو: بسّ للإسلام 
وإلنا مـــــــــا بَدهُـن يتركو شَقفه

يــــــــا مرحبــا بشعب الإنكليزي
ومش مرحبــا إن كـــــان ماليزي
حَرْمو المسيحي مــــــــن لفظ الله
ما بْقول: يخْــزي العين وسمــالله
عا القافيـــه لـَكْ يلحسو طيــــــزي

CONVERSATION

0 comments: