لو مانصفتش الفقير وخلته فى المقدمه بعد ماكان الأخير
لو ماخلتش الحاكم مواطن بسيط زيه زى الخفير
ملعون أبوها ثورة
لو حتفضل سايبه ناس بتتحكم للنهارده فينا
رغم إنهم مابقوش ناس ياناس بجد إلا بينا
ملعون أبوها ثورة
اللى تخلى صاحب حق لسه قاعد ع الرصيف
رافع فى إيده ورقه مكتوب عليها مش لاقى حق الرغيف
ملعون أبوها ثورة
اللى سايبه ناس كبارلحد النهارده بيسرقوا
وسايبه كمان وراها جيوش م الغلابة بيغرقوا
ملعون أبوها ثورة
لو ماجبتش م القتله حق كل شهيد
لو ماخلتنيش أشوف المجرمين جوة قضبان الحديد
ملعون أبوها ثورة
لو ماحكمتش كل فلول النظام على السرقة والقتل والمال الحرام
ملعون أبوه ثورة لو خلت الحكما يسكتوا والتافهين يصدعونا م الكلام
ملعون أبوها ثورة
لو ماحققتش للكل العدالة
مسلم مسيحى ابيض وإسود ستات ويا رجالة
ملعون أبوه ثورة
لو مارجعتش كل اللى تسرق وهرب بره
لو ماسمعتناش كل فترة قصيرة أخبار مهمة وسارة
ملعون أبوه ثورة
لو كل اللى قلته ماتحققش
تبقى ملعونة ثورة الف مَرة ومَرة
0 comments:
إرسال تعليق