رأفة بمصر/ رأفت محمد السيد

 أنا ضـــد تعطــــــيل العمل 

بُكره أكيد جـاى بالأمل 

أنا ضد الوقفة فى الشــــوارع

والناس تتفرج علينا
 أنا ضد تعطيل المصــــانع

دا الإضراب بيضـــر بينا 

عمر ماكان ســب الحكومة هو التحضر والحضارة 

عمر ماكان التخوين مابينا أصـــــــــــــــــل العبارة
 دا أخد الحق ياناس حرفة ومهــــــــــــــــــــــــارة 

فيها إيه لو بدلنا الوقفة بجلســــــــــة جوه غرفة  

ويا فنجان بن ولا شــــــــــــــــــاى أو حتى إرفة 

وكلمة هنا وكلمة هناك ومعاها طــــــــــــــــــــرفة
   تتحل كل المشــــاكل بهدوووووووووووء وحرفة
 ويفضــــــــــــــــــل بعدها الود مابينا هو اللى باقى
 ويكون علاجنا للأموربحوار متحضــــــــــر وراقى
 لكن ماينفعش فى كل هفوة نقوم بوقفـــــــــــــــــــة
على أى شــــــــــــــئ مهما كان تافه نعمل له وقفة
 كل اللى زعلان شـــــــوية من مراته يعمل له وقفة
 واللــــــــــــــــــى مش طايق حماته يعمل له وقفة
 واللى مش عاجبه أســـــــلوب ولاده يعمل له وقفة
 واللى ريســــه شـــــوية مرخم عليه يعمل له وقفة
واللى ضـــــــاع منه جنيه مش لاقيه يعمل له وقفة
العجوز والصـــــــــــغير فيك ياوطنى عمل له وقفة
الطويل والقصــــير والتخين والرفيع عمل له وقفة
حتى أســـــــــــــــــــــــــاتذة الجامعات عملوا وقفة
مدرســـــــــــــــــــين وطلبة وطالبات عملوا وقفة
البنوك والمصانع والشـــــــــــــــركات عملوا وقفة
مضيفين ومضيفات وأرق الســــيدات عملوا وقفة
عمال وفلاحين كمسارية وســــواقين عملوا وقفة
 إحنا بجد محتاجين نعمل مع نفســـــــــــــــــنا وقفة
مصــــــــــر أكبر وأغلى وأهم عندنا  من أى وقفة
مصر بتعلن غضــــبها مصر محتاجه مننا كل رأفة
مصـــــــــــــــــــــــــــــــــــر محتاجه مننا كل رأفة