إيّام مجنونِه/ عصام ملكي

قلت لـْهَنـا: الإيـــــَّــــــام مش هِيّي

وعـــــــــــم تِطـْلعي عا البال يَوميّي

عندي الطفر صــــــاير قليل الدين

الخمسِه صرتْ عَم شُوفها خمسين

وكلّ عشره ورقــــــــــــــة المِـيّه.

صَبري عَليّي أعلن خـــْـــــــواتــو

بالرغم إنّــــــــــي حلفتْ وحْيـــاتو

عِملِه مـــا عندي والوضــع تعبان

وكلما ضربتْ إيدي على الجزدان

بلاقي الطفر موجـــــــود جـوّاتـو.

طابــــِــق براسي مشكلي استأجـر

وعندي الغضب معقـــــول يتفجّـر

شفت الدولار دايــــر بقلب السوق

عزمتو لعندي تــــا يجي ويـروق

قلّي: لعندك مــــــا بِجي، بِضْجَر.

الهِمِّه عــــــــا بيت الياك ملقوطَـه

ومش عــــم بلاقي لدمعْتي فُوطَـه

عــــــــــا الهَمّ بَدّي أكتب كتـابـي

مْدَيَّن صَداقَــــــــه لكلّ أصـحابي

وقـْلال هَللي بيدْفَعـو قْسُوطَــــــه.