سبحان الله كيف الناس اجناس.
ناس بنعيم وناس من الفُقر ملُّوا
وعقول منفتحة او ضاربها نعاس
وانظمة واديان بشرائع تٓجلُّوا
الغرب نظامو حضاري لكل الناس
حرية وعدالة بالامن يتحلُّوا
ثمنها سنين حرب ودمار ومآس .
النتيجه توحدوا أصبحوا قوة فَعّٓلُّوا
ولحتى نكون مثلهم ع نفس المقاس.
احترموا بعضكم بالفكر استقلوا
نحن العرب بعين الغرب ابخاس
نظرة قوي ع ضعيف بتذِلُّوا
نحن سبب قوتهم جلبنا الانتكاس.
اقتصادنا وعقلنا وارضنا احتلوا
اغتصبواالارض بوحشية وافتراس.
شريعة غاب هواء للناس ما خلّوا
سياسة فرِّق تَسُد فكرة الانجاس.
لتضعف الأمة والأرض يحتلُّوا
حجتهم شعوب مقطوعة الانفاس.
باسم المساعدة جيوشهم حلُّوا
فرقوا الأديان سقونا مر الكأس
هجّروا شعوب من اوطانهم فلُّوا
العمالة والجهل خلوا الراس ينداس
حكّامنا انشروا، من عندهم طلُّوا
وملوكنا عروشهم مرصعة بالماس
على غير شعبهم سيوف ما سلُّوا
خسارة يا عرب ارضكم تنداس.
وعودهم كذب ع ارض الطُهُر حلُّوا
بإبرة أمل بنّجوا الإحساس
استأصلوا الخيرات اقتصادنا شلوُّا ُ
حرام زرع الفتن لا تعدموا الإحساس.
ولا تكونوا للغرب شطرنج يتسلّوا
لا تلوموا الغرب ، ضعفكم منداس.
لو كُنتُم اقوياء متحدين ما طلُّوا
وحدة الاوطان قوة بترفع الرأس
لا كان الغرب فكر بطمع ولا هلُّوا
ولبنان أصبح طوائف!! قمة الافلاس
ما فضل الا الجيش بعد ما حلُّوا
كل طائفة اصبح عندها مرآْس.
من كثرة الحكام شاط الوطن كلّوا
ولائنا اصبح للطائفة مقياس
نسينا في وطن عم يغرق محلُّو
حب الوطن من الصعب ينقاس.
بالمحبة توحدوا ،،بالوطن علُّوا
وفروا عليكم حروب من الأساس .
خلوا الدين للرب ع كيفكم صلّوا
واحموا الوطن كونوا عالوطن حراَّس
وطننا قطعة سماء جنِّه بمحلّو
ما فيك تبني وطن بدون عُمَر والياس.
وليد وحسين هوذي الوطن كلّوا
الدين عالهويه خطيئة ضرت الناس.
صار الوطن اوطان لبعضهم ذٓلُّوا
رب السماء وحدو بيحاسب الناس
لا تكن ع الارض الله وتأخذ محلّو
الدين اُخُوِة و محبة ،قمة الإخلاص. .
والوطن سفينة لبرالأمان ،لا تِضِّلُّوا
حافظوا عليها من الغرق والارتماس .
غير هيك ما بتوصلوا قد ما تصلّوا
0 comments:
إرسال تعليق