قطار الموت/ رأفت محمد السيد

القطــــــــــر فات فات ودهس تحته ميات ميات
ياقطر الموت اســـــــــــــــــــــــتحلفك كفاية دم
أصــــــــبحنا كل فتره بنتجرع من جرايمك سم
ومابتفرقش مين تحت عجلاتك ولابتهــــــــــتم
لاطفل يفرق معاك ولاكبير ولاأب ولا حتـــى أم
ولاحتى شــاب شايل عن أسرته مسئولية وهم

ياقطر الموت وقف عجلاتك بقى وماتمشـــيش
واعلن بقى ثــــــــــــورتك خلـــى ولادنا تعيش
ســــــرينتك وطبولك خلاص بقت ماتتطربنيش

ياقطـــــــــــر الموت ليه إختيارك فى  قتل فقير
نفســـــــــــــــــــى بجد ولو مره تهف لنا وزير
يمكن ســـــــــــــــــــــــاعتها بجد نشوف تغيير

ياقطرالموت برفض أكون شـــــــهيد مزلقانات
حتى لو كانت شــــهادتك حترفعنى إلى الجنات
عيب وحـــــــرام وكفايه كده بقى نكبــــــــــات
لحد إمتــــــــــى حتفضل ولادنا ترددها أغنيات
القطـــــــــر فات فات ودهس تحته ميات ميات