يا مصري أمته يريحوك
سنين طويلة بيتعبوك!
هوه انت أصلك كان جمل
ولا انت معمولك عمل
متقوللي ليه لوحدك جريح
عمال بتنزف ده صحيح
لكن تقول الآه.. حرام!!
ويوم ما تحلم بالسلام..
وتشوف أمل ويا النهار
هيخططولك كام حصار
ويبددولك بسمتك يمكن تخاف
وينسجولك دمعتك مع كام خلاف
ويدبروا ألفين صدام
علشان تعيش فايق حرام!!
خايفين تفوق يا مصري جد
واليوم.. وهديت ألف سد
لازم تفكّر من جديد
وتعصم الإيد ويا إيد
ونخلي حلم يلمّنا
علشان بلادنا تهمنا
خلينا بنا نتفق
لو فيها موت ما نفترق
وبهمة وبروح ويا صبر
نقدر نحقق حلم مصر
0 comments:
إرسال تعليق