انت مشيت مُش راجع تاني
مهما يحاولوا أنا جوه ميداني
قالوا عليك عيان وحكاية
مش عايزين يشوفولها نهاية!!
قالوا كفاية وروحوا بيوتكم
وانسوا شوية الراجل منكم!
ليه تحاكموه إيه بس يفيدكم..
غير شمس التحرير تحرقكم!
والتحرير كان هوه ميلادي
هفضل ادافع فيه لبلادي
تهت وفيه حسيت بثباتي
وكمان فيه رجعتلي حياتي
معقول بعد ما احس بإني
حر.. أعيش بين خوفي وظني!
مش راح اقدِّم تاني عياطي
واطلب من خاينين وأطاطي
مصر خلاص عرفت سكتها
مش هسمح تنزل دمعتها
مصر شالتني انا جوه عيونها
مهما خانوها انا هفضل أصونها
أرحل عن فجري وعن شمسي
مش هرجعلك اقدِّم يأسي!
يا اسمك إيه أنا وطني ومصري
جندي لمصر وغرَّك صبري
أوعى تحاول مع قواتنا
جيشنا معانا شريك ثورتنا
ثوره وصانها الجيش وحماني
جيش مصراوي بحق إيماني
مهما يحاولوا انا عارف إنه
مش ممكن يخدعني لإنه
جيش مصراوي أصيل من يومه
أرفع صوتي ولا اسمع لومه
غير إنه يطمنِّي.. يا مصري
أنا مش ممكن أكون غير مصري
الماضي حفرناه بإيدينا
والحاضر هتصونه عينينا
إيدي ف.إيدك نحمي بلادنا
نحميها ونعيد أمجادها
علشان كدا مُتأكد إنه
جيشي دا منِّي وبردو أنا منُّه
0 comments:
إرسال تعليق