هارسمك/ سمير احمد القط‏


قبل ماارسم فيك واشكّل
او فى يوم ...بيا تنكل
مش هقول انك رئسنا
او هقول غيرك مداسنا
مش هقول انك حبيبنا
او هقول.. انك زعيمنا
الا لما ...يلمسنى فعلك
وبعيونى اشوف فواعلك
وافتخر انك... قائدنا
وارسمك واكون سامع لك
واوعى تقول دى مسئوليه
او تقول دى... خيبة جاية
او تغنى.... او تهنى
او تعيد نفس الحكاية
او تتحجج ....شوية
او تكرر فى الرواية
او تخاطبنا .... بودك
او تقول ده حمل هدك
ماانت عارف من سنين
انها... نيلة وطين
وانت شايف ..الجنين
والولادة القيصرية
ورغم ده خضت السباق
وانتصرت بدون وفاق
وارتضيت بكل شئ
واختتمت ..نََص الوفاء
شلتها ... وانت عارف
بالشجاعة.. والكل خايف
وكلنا ...وراك فى ظهرك
حتى مغلوبك ..خضعلك
وكلنا مستنين
مسنينك ......وانت فاعل
فى الغيطان ...عاوزين فواعل
فى المصانع ..فى الصوامع
فى الصحارى ...فى المدارى
فى الحضر... وفى كل ريف
مستنين ...لقمة رغيف
مستنين ..حق الولاد
مستنين ..كلمة شريف
مستنين ...والامل لساه ف عينهم
والعمل ...فايت مصيرهم
مستنين علشان تعنهم
بالبرامج ..او بالمشاعل
كلهم امل ...وقوة
لجل مصر واللى جاى
شايفين فيك المروه
رافعين صوتهم بحاى
طالبين منك ...شهامة
والعدالة فى كل شئ
ماانت ...فى عيونهم علامه
ونور ...منور ليهم طريق
ويوم مااشوف منك سلامه
ويوم ..مااشوف حتى ابتسامة
هارسمك من غير كلام
هارسمك وازيد ...واشكل
لانى هعرف ان انا فى عهد تانى
وان شمسى... زادها معانى
وانك مش ريسنا .....بس
لا ...انت واحد مننا ...راجل ونص
عاش معانا ...وع اللاه كان التوكل

CONVERSATION

0 comments: