حكمة من ملفات التاريخ: "الشعوب تختار من يحكمها!!"
***
جابوا الرئيـس تحت العَلـَم
وجَهـِّـزوه.. ياخـــد القسـَـم
وقالوله: يا سيـادة الرئيـس
زي ما الـراعي بيـراعي الخــراف
اِرعَى شعبك في الرخاء
وفي الجَفاف
***
قــام الرئيــس بعد القسَـم
جَلـَس على العـرش
اترسـم
جاب القاموس
وجاب معــاه ورقـــة وقلــَـم
قـَعـَـد يقـَلــِّب في القاموس
علشان يشـوف
معنـاها إيـه راعي الخـراف
فضــل يـدَوَّر في الحُـروف
بين الصفـوف
تحت عنـوان كلمـة خـَروف
لمـا لــقى إنّ الخــراف
معنـاها بالظبـط:
الغنــَـم
***
وقـال أنـا راعـي الخـراف
معنـاها اِنـّي
راعي الغنــَـم
***
لــَمّ الـوزارة والحَشـَـم
وع المنصـة وانسجـَم
وجنبـُه حُـرَّاس أو خـَـدَم
والشعـب قدامـه
صَنــَم... بجــوار صَنــَم
وبمنطقه الطاهــر حَكــَم
بدأ الخطـاب بعدين ختـَـم:
أنا الرئيـس.. أنا الزعيـم
أنا الكبيـر... أنا العظيـم
أنا الـراعي
وانتـوا الرعـيــة
يعـــني الغنـــَــم
***
ومن هنـا.. يا للعجَـب
أو من غير عجَـب
أخـدنا اللقـَـب
إحنـــا الغنــَـم
***
وفرحنـا باللقــب الجميـل
لقــب جليــل
وحنمشي بيه من جيـل لجيـل
فاللي يقـول:
هاتـــوا الغنــَـم... وَدّوا الغنــَـم
حُوشـوا الغنـَم.. سُـوقـوا الغنـَم
خلينـا فاكريـن
إحنـــا الغنــَـم
***
واللي حيسألنــا:
هل انتـوا الغنــَم؟
حنقــول بفخــر واعتــزاز
نعـــَـم نعـــَـم
إحنــا الغنــَـم
بلا اعتراض ولا نـَـدَم
***
سوا اخترناه.. أو مفروض علينا
حيكون راعيــنا
وما دام راعيـنا فاكـرنا غنــَم
وبيعاملنـا كإنـَّـا غنــَم
يبقى احنــا بالتأكيــد
غنـــَــم
***
شعــب. غلبـان في عيشــته
في الجهل غرقان لشـوشــته
وانا عشـت من عمـري اللي عيشته
واللي فاضل فيــه... أبيـــع
علشان ماكونش من القطيع
علشان ماكونش
من الغنــَـم
مهندس عزمي إبراهيم
0 comments:
إرسال تعليق