مشاعر خاصة جدا/ إيمان حجازى

همساااااااااااااات
وهو ايه الجديد
عليكى وعليا

هتستنى
وهستنى
ماحنا يا ما استنينا
وياما بكت عينينا
وياما عدت ليالى علينا
طب ايه جديد
الجرح !!!!
ما أنا وإنتى متعودين عليه
الغدر
ده احنا نكتب مجلدات فيه
طب ايه ؟؟؟
 
مش عارفة ايه !!
والالا عارفة وبتنكرى
بتستكبرى
أقولك أنا
كبرنا
وشاب شعرنا
وتعب قلبنا
وأقول كمان
إشتقنا للفرحة
للضحكة
إشتقنا لراحة راحت وراحت أيامها
لغنوة حلوة مع صحبة احلى
إشتقنا للمة العيلة تحت الضليلة
لأبو نظرة حنينة
لأبو هيبة وطيبة

واقولك ايه كمان
اقولك إشتقنا لبكرة بعده طول
ليوم الحزن فيه يتحول
لبكرة الرجا فيه يتحقق
هاه خلاص والالا اقول كمان
كل يوم معاك نفس السؤال
وعليك برد بنفس الجواب
بقيتى معايا وعليا إسطوانة مشروخة
بتحيرينى
بتزودى جروحى
يا نفسى الحزينة
إرحمينى
بالله عليكى ماتبقى إنتى والأيام عليا

CONVERSATION

1 comments:

غير معرف يقول...

ايه الهباب ده لا وزن ولا كلمات ولا معانى
ده انحدار ده مش شعر