يـَا بـُو فَرَجْ/ محمود شباط

يـَا بـُـو فـَـرَجْ شـُـو قـِصّـتــَـكْ طـَوّلـْتْ

مـْحـْـتـَاجْ شـُوفـَـكْ مـَيـِّـلْ عـْـلـَيـِّي

صَارْ لـَـكْ زَمـَانْ كـْـثـِـيرْ مَا مـَـيـَّـلـْـتْ

لــُـو نـْسـِـيتـْـنـِي عـَـمْ ذكـْـرَكْ فـِـيـِّي

يـَا بُو فـَرَجْ شـُو بـْخـَـبـّـرَكْ شـُو حـْمـَـلـْـتْ

أثـْـقــَال وَزْنـَـا جْـبـَالْ صَخـْريـِّه

بـ ِ ظـْروفْ أسـْوَدْ مـِـنْ سـَوَادْ سـْـفـَـلـْـتْ

صَارْ الـْعـُمـْـرْ سـْـتـِّـيـنْ وْ شـْـوَيـِّـه

بـْـوَاسـِي نـُـدُوبْ غـْمـَاقْ .. يا ما قــُـلـْـتْ:

أصْبـُرْ بـَـعـْـدْ .. الـْصْعـَابْ ظـَـرفـِـيـِّـه

ويـَا ما بْسـِنيـن الـْهَجـْر جَمـْري شـِـلـْـت

يـْحـْرُقْ بـِـقـَـلـْـبي و طـَيَ إيـدَيـِّي

يـَا بـُو فـَـرَجْ لـَـشْ هـَـيـْـكْ عـَنـِّي غـْـفـِـلـْتْ

بـْغـِـرْبـِه مَـدِيـدِه تــْـنـُـوصْ عـَـيـْـنـَـيـِّي

صَارْ السـَّمـَعْ مَعـْـطـُـوبْ شـُو مـَا عـْمـِـلـْـتْ

وبـِالرُّوحْ صَارْ جـْـرُوحْ رُوحـِـيـِّه

يـَا بـُـو فـَـرَجْ طـَالْ النـَّـوَى وذبـِـلـْـتْ

وَحـْدي بـْـقـَـفـْـرْ أصْـقـَاع نـَجـْـدِيــِّـه

وَمـْضـَـات شـَمْـعْ العـُمْر مَعْهـَا شْعـِلـْـتْ

زْرَعـْـتْ الفيافي وْرُودْ غـَـيـْـرِيـِّـه

يـَا بُو فــَرَجْ لـَـيـْـشْ الجـَّـفـَـا ما سْـألـْـتْ

عـَمْ بـِعـْـتـِـذِرْ ... يـْكـْـفـِـيـكْ كـَـيـْـديـِّـه

انْ ما كـِـنـْـتْ نـَاوي تـْطـِلّ .. يـَمـَّا زْعـِلـْـتْ

تـْرَفـَّـقْ بـِحَالي بالنـَّـوى .. خـْطـَـيـِّي !!

يـَا بُـو فـَـرَج مَـشـْـكـُـور لـَـوْ أرْسـَـلـْـتْ

إبـْـنـَـكْ فَـرَجْ أو طـَيـْفْ جـِـنـِّـيـِّه

تـَـا يـْشـْهـَدوا إنـِّي آثـَامـِي غـْسـَـلـْـتْ

بْـعـَـتـْـمِـه ... يـَا وَيـْـلـِي لـَـيـْـلـْهـا شـُـو طـَـالْ

تـْلاتـِـيـنْ عـَـامْ ... سـْـنـِيـنْ ضَوْئـِـيـِّـه