نزل أصحاب/ عصام ملكي

يــــــــــــا منيّره رقبة عنفواني

لا تطلّعيلي شَعر عــــــا لْساني

من مَيّ جينا عالدِّني ومِن طين

وحْــظــوظــنــا ولاد البَتِنْجانِه.

لا تجبْريني كلّ كلمِه زِيــــــــن

بكتْر الشرِيـــعـَـــه مْكلَّخ سْناني

لــمّــــا وَرايي تركتْ بشمزّيــن

انكسرو ببيت الشِّعــــر أوزاني.

قولي إلي آخــــد أنا مـــــن مِين

ومن وين جايب آخـــر زْماني؟

ضيّعت حــالــي بْأوَّل التكويــن

ومْعَنْكَشِـه بالبال أحـــزانــــــي.

وعندي مشاكل خَلّفو شْيــاطــين

وبْصفحة الــمــجــهــول عنواني

وآخد صفر بالعاطْفه مـــن سنين

وبالرغم إنِّي مقْرِف وجــــانــي.

تركت الصداقه مـــن عَدا قوانين

ومتل الغسيل نشرتْ وجـــدانــي

وهلّق بعد مـــــا وْصلت للسبعين

طالع عـا بالي أعْصر الأصحاب

وإسحب نــــزْل بنْهار الفْلانِــــي.