مصر تبكي/رضا محمد السيد

مصر تبكى !!!!
كفايا  بكا يا مصر روحى إمسحى عينيكى
أصل أنتى متعوده والكل طمعــــــــان فيكى
خلصتى من إحتلال وخلفتى بنات ورجــال
وأول ما شدوا حيلهم مدوا إيديهم عليكى   وعجبى ....

**

الجبل مــــــــــــن الوقوف خلاص مل
وقال إشمعــنا أنا ما كل شــىء إختل
خلاص ماعدش خير والإنتمـــاء قل
وصبح الذليل عزيز أما العزيز فانزل    وعجبى .......

**

كل مانقول يا مصر خلاص قربنا نفوق
نلاقى كل يـــــــــوم بيطلع لنا خازوق
إمتى بقى نتوحـــــــد إمتى بقى نروق
ولا إحنا مكتوب علينا للعذاب بندوق     وعجبى ....

**

يا شعب مصــــــــــــــــــر فين راحت ضحتك
  فين نـــــــــــــــــــكتك فين خفتك فين أفشتك
  إيه إللى جــــــــــــــــــــرالك قول إيه سكتك
  يكنش ده ضعف إيمان خلى العلل مسكتك ؟       وعجبى
**

صدقوا إللى قالوا قابلينا ما الدنيا إلا مســرح
   بنعيش فيها يوم نحزن ويـــــــــــــــــوم نفرح
  فيـــــها الأغراب تداوى وفيها القرايب بتجرح
  وفيها كتير من الحكاوى تخللى العقول تسرح !   وعجبى
**

ياللى قطعت رحمك إجرى بسرعة إوصــــله
هتلاقى ربنا رحمك على طول مـــدام توصله
أصلك لو قطعته مـــــــــــا هيقبل شىء تعمله
وكمـــــــان هتشوف عذاب ما هتقدر تتحمله      وعجبى

**

يـــــــا مصرى إصحى وفوق وكفايا بقى نوم
  ولا أنت عاوز كده مظـــــــــــــــاهرة كل يوم
  خليك ديمــا على رأيك وبلاش تعوم عالعوم
  دا عدوك متربصلك و ديمـــا حواليك بيحوم     وعجبى