إنتبهوا على مصر/ رضا محمد السيد

  

إنتبهوا على مصــر يا خلق مصر غالية على قلوبنا
مصـــــــر أمانة فى رقابينا وعشانها ربنا هيحسبنا
مــــــصر لو صابها مكروه فقبل ما يصبها هيصبنا
إيه إللى بيحصل ده  ولا إحـــــــــنا كمصريين خبنا

خلوا بالكوا من مصر عشان مصـرغاليــة
طول عمرها بين الدول مكانتهـــــا عالــية
مصر من أيام الفراعنة بتتنهب ولحد اليوم
مصر بالخير مليانة عـــمرها ما كانت خالية

كفاية بقى يا مصريين كل الخلق ضحــــــكوا علينا
كنا زمان متوحدين وبنخاف على مصر زى عينينا
فتنة جت من ناس تانيين خلتنا مسـكنا فى بعضينا
ودلوقت العيب مش منهم  لكن العيب أصبح فـــينا

يارب إحمى مصر من الفتن ودافع عنها وحوش
فى ناس عاوزين يخربوها ناس صبحوا وحوش
ناس كانو فى عهد مبارك فى ظلام ما بيظهروش
دلوقتى أصبحوا بجــــحه لا يخافوا ولا يختشوش
**
معلهش يا مصر

الحكاية مش تأسيسية ولا  إخوان ولا دســــــــــــتور
الحكاية مش كلام بنسمعه يملى ألاف الســـــــــــطور
 السياسة عمرها ما كانت بالخرطوش ولا بالســــاطور
الحكاية إن المصرى بعد الثورة رافض يرجـع طرطور

 يامصر يا درة كل عصر فى قلوبنا معــــــــــروف مكانك
 ناس فيكى طمعانه فى القـصر ومنـــهم باعك وخــــــــــــانك
 دا القلب عليكى محسور حــــــسر  والعــــــين بتبكى عشانك
لكن إللى بيطمنى إن ربنا ديما معاكى ومن الشــــرور صانك

 معلش يا مصـــــــــــر لازم تتحملى الريح
 أصل إنتى حظك كـــــــده وكلنا مجـــاريح
إيه إللى جرى لشعبك مابقاش ليه صريح
بكره يجنى الثمار وعمــــره ما هيستريح

 مصر هانت خلاص على إللى عايشين فيها
ولدها عماله تخـــــــــــــــرب بدل ما تبنيها
فى ناس بتولع نار الفتنة لكن ربنا بيطفيها
ملناش غــــــــــير يارب من كل شر إكفيها