من بعد شبـــاب وقوة 

ضِعفنا خلاص وشيبنا

وكـــــنا بناكل الظــلط

دلوقت ممنوعين م الجبنة .

اليوم بدايته الشمس 

ونهايته لمــــا تغيب

مَن كان عدوى أمس

صبـــــح اليوم حبيب  .

الناى صـــــــــــوته حزين 

والأحزن منه صــــــــــوتى

غيرك يارب يسمعنى مين

وأنا حزنى فى ســــــــكوتى .

السعادة إنك تكون ديماً راضى بحالك

السعادة فى القناعة بالقليل مهما جالك

السعادة عمرها مــــــا كانت بكتر مالك

السعادة ممكن تكون بقعدة وسط عيالك .

لا أنا عـــارف أهرب من الهم

ولا الهم عـــــــــايز يسيبنى

أصل الهم مــــــــا عنده دم 

وكأنه صاحبى أو مناسبنى  .

زى النهارده كــــــــان أبويا     حى

زى النهارده كنت عنده يا هو   جى 

زى النهارده مـــــــا حدن سأل  علىّ

زى أبويــــــــــــا أنا مش لاقى    زى .

الدنيا مهما دامتـــــــــلك 

فمسيرك مــــاشى ماشى

مهما خــــــــدت وجابتلك

بردك مـــــــــا تأمنلهاشى  .

متفرحش بكتر أصــحابك 

وقاعدتك كده مــــا بينهم

لو يوم مكـــــروه صابك

مــا هتلاقى واحــد منهم .

الواو كلامه جميل

نتعلق بيـــــه كلنا 

نسمعه القلب يميل

وفتحى فيه عمـــــنا          (الشاعرالكبير / محمد فتحى ) .

الـــــواو خفيف فى قولوا

من سماعه العقل يسرح

ركـــــزوا فى إللى باقولوا

عشان القلب يفـــــــــرح .

الواوات كتبها إبن عُرس        ( ال ع  بالضمة )

وقال دى سبب خلودى

لكن سرقها إبن عَرس           ( ال ع  بالفتحة )

وكمـــــان نكر وجودى .

لو كان إبن عُرس حى

كان رفـــــــــــع قضية

وجاب شعراء الحى

يشوفوا السرقة دية .

بحبك حُب ... مش عادى

بحبك حُب ... كده بجنون

يا مالكة روحــى وفؤادى

وعندى أغلى ما فى الكون

دا حُبـــــــك زادى وزوادى

ومن غيرك إزاى أكــــون  .

من كـــتر حبى فيكى

حسدت نفسى عليكى

ووهبت عمرى ليكى

لا حيـــــاة إلا  بيكى .

يا حبيبتى قبل مـــــا أشوفك

كنت عايش كــــــده وخلاص

ومن ساعة ما لمست كفوفك

معرفش إيه حصلى يا ناس .

بســـرح واتوه فى عيونك

وأعيش فى عالم كله خيال

مقدرش أعيش كده بدونك

وعيشتى بعدك شىء مُحال .

 رَح أعيش كــــــــده معاكى

ومــا خللى لحظة حُب تفوت

وهقضى عمـــــــرى وياكى 

يا حبيبتى لحــــــد ما أموت . 

مـــــــدام دُقت الفرح لازم م الحــــــــزن تدوق
وكل ما تبعد عن ربنــــــــا تلقىَ نفسك مخنوق
العبد بينسىَ ربه والخالق مــــا بينسىَ مخلوق
ومـــــــــــــدام معاك ربنا هتحلى معاك وتروق
ــــــــــ
ياللى أخدت الحـــــــــــــــــــــــرام وكان الحلال مكفيك
هـــــــــــــو ده طمع ولا جشع  ولا الســـرقة طبع فيك
ومــــــــا عدش ينفع ندم ويامــــــــــــــا الزمن هيبكيك
ولــو سألوك ليه عملت كده قول الشيطان ضحك عليك
ـــــــــــ
ياللى هبرت هبرة زودت بيها مـــــــــــــالك
وكنت فاكــــــر ساعتهــــــا إنك ريحت بالك
وإنكشفت وصبحت حزين والكل يسأل مالك
مـــا فكرتش هتعمل إيه لمـــــا تعرف عيالك
ــــــــــ
حبيبى بٍـعد عنى وكـــــــــــــان السبب فَقرى
أصل أنا عارف حظى ديما كــــــــــــده فقرى
مش عارف ليه بختى ديما كـــده منــــحوس
إن إشتهيت لحمة ضانى آكـــل بطاطس بقرى
ــــــــــ
إختصر ديما فى كلامك وبلاش رغى كتير
وإفشى للناس ســلامك وخليك ديمــا أمير
وإن حـــــــــد قالك سر قوله سرك فى بير
ولو عملت كـــــــــــــــــده تفضل ديما كبير

مصر الحزينة تئن  ...عايزه يحكُمها الجن
الجيش لن يعود .... لقد تاه على الحدود
إحذر الجو نار .... ما تخرجش بالنهار
النور يهاجم الإخوان ...وفين مرسى الأن
العريان يكذب طوسون .... إختفاء الجبنة النستون
محاصرة مكى بسبب الجندى  ....غدا وصول وفد هندى
إشتباكات فى التحرير....مصــــــــــــر ديما بخير
قتلى من أجل السولار....المخرج من الآزمة بالحوار 
عصيان مدنى فى بورسعيد والأسماعيلية  .... الرئيس مرسى يُطمئن أهالى النوبة .
أعمال عنف وبلطجة فى شوارع القاهرة ....الرئيس مرسى يوافق على التسكين بجوار البحيرات .
خلافات الحدود بين محافظات أسيوط والوادى ....الرئيس مرسى فى وادى ومصر فى وادى .
لكِ الله يا مصر .

متى تخجل من نفسك ؟ ومتى يشكرك الله ؟ كنت أركب مترو الأنفاق وكــــــان فى يدى جرائدى المفضلة ( اليوم السابع والأهرام ) أتصفح فيهما ثم نظرت إلى من حولى فرأيت أشخاصا كثيرين بيدهم كتاب الله يقرؤنه ، فخجلت من نفسى فى هذه اللحظة وحدثت نفسى لماذا لم أحضر المصحف معى ؟ ثم نظرت فى المصحف الذى كان مع الراكب الجالس بجوارى فرأيته يقرأ فى سورة إبراهيم وفجأة أحسست أنى أغبى إنسان على وجه الأرض لأنى أحفظ سور كثيرة والحمد لله فقرأت سورة إبراهيم حتى نهايتها وبدأت فى سورة البقرة حتى قوله تعالى ثم قست قلوبكم من بعد ذلك فهى كالحجارة أو أشد قسوة ثم قرأت سورة الإسراء حتى قوله تعالى من كان يريد العاجلة عجلنا له فيها ما نشاء لمن نريد ثم جعلنا له جهنم يصلاها مذموما مدحورا ومن أراد الآخرة وسعى لها سعيها وهو مؤمن فأولئك كان سعيهم مشكورا  وعند هذه الأية دمعت عينى  وتمنيت من الله أن أكون من الذين يريدون الأخرة ويسعون إليها ــ فعلا ليس كمثله شىء فانظر إلى  عظمة الخالق الذى يشكر المخلوق على سعيه ؟