خايف اضحك/ محمد محمد علي جنيدي

خايف اضحك خايف افرح
يمكن ازعل لو فرحت
إيه يفيدني وحظي عارفه
مهما ضحيت واجتهدت
حلمي يأسي.. حزني فرحي
فكره واحده فيها عشت
عمري كله عمله واحده
إيه الجديد لو حتى مُت!
لما تزرع مهما تزرع
والحصاد اللي حصدت
لما تبني مهما تبني
وتلاقيك تحت اللي تحت
لما تدّي مهما تدّي
والنتيجه.. ( ضاع وضعت )
قللي ليه تنسج ف. حلمك
وانت كان زي ما كنت!
يللي عمرك زي بعضه
بكره نفسه اللي عرفت
ارض وانس انك هتبقى
وانت م. المكتوب شربت

CONVERSATION

0 comments: