لو فاكر نفسك عالم
جد الجد
واتعلمت علام ف. الناس
متعلمهوش حد
قل لي مكان الروح من جسمك
موجود فين!
وانت سيادتك بعد ما ترحل
رايح فين!
واما تنام وتتوه عن نفسك
تقدر تتحكم ف. إرادتك!
واما الألم الجامد يخدك
فينها رجولتك..
فينها يا عم بجد صلابتك
حاسس إنك مخلوق وحدك
وان مفيش ف. العالم زيك
معجب قوي بسلامة عقلك
وبعضلاتك وبفتونتك
ولمال جمعه لوارث بعدك
تجمع والمتهني العيله
وانت لوحدك شايل الشيله!
وبتتخانق علشان منصب
وبتكدب علشانه وتنصب
وتبيع أهلك وتبيع نفسك
بتعجب وكمان مستغرب
بتفكر.. إزاي تتعذب!
ولاقيك تكبر ولا بتتوبشي
طب ما تتوبشي
وما ترحمشي
واخدع واطمع.. وما تسألشي!
خليك عايش مع أفكارك
واظلم ليلك ويا نهارك
بس تقوللي اللي انت عملته
يوم ما تودع قلب ظلمته..
قلبك اللي كويته بنارك
يوم ما هيرحل ضي نهارك
وتموت بعد ما يكمل عمرك
مين يحميك من سطوة نارك
وانت ف.قبرك شايل وحدك
ذنبك.. ويا حصاد أفكارك
0 comments:
إرسال تعليق