بالعامية المصرية
بقلبي فرشت الورد والياسمين
ونسمة صبح جياني وكلي حنين
أتاري الورد من غزة دي نن العين
أتاري النسمة من روحي (هوى فلسطين )
بكيت والحرقة وخداني ودمع العين
ولهفة شوقي للأقصي بألها سنين
##
جف الحلق م .الهفة ولون الميه يغريني
وعام الشوق على سدري وسلك الموت بيشكيني
ونظرة عينه تدبحني بحور من نار بتكويني
وطيبة قلبه لاقتني بغصن زتون بيشفيني
وعزة نفسه ماتاخد بتدي الأرض ...تديني
وبسمة روحه سامحتني لعنت أسودي وعريني
##
لاقيت الظلم برعاها وطيره سفير
ياليت الشر ينساها د قلبه ضرير
شفانا الحلم يبقالها دوا التحرير
منانا الوحدة لولادها شبعنا شخير
رجانا الدم يجمعنا هدى التنوير
دوانا الحضن لترابها دي ارض الخير
##
بحق الله لتشهد لي يا أقصى النور
لتشهد لي انا العربي أنا المسحور
عشانها والله تشهد لي لعدى بحور
لساني الحي كفنته وأنا المجبور
أبالها صرختى اندفنت بارض الجور
كسروني كرهت الجار و أنا المجرور
0 comments:
إرسال تعليق