تحية للجيش اللبناني/ فؤاد مغامس
من ظلمة الكفار حامينا
وعزة مقامك عايشه فينا
يا جيشنا يا صانع الأوطان
عا عالم الأمجاد ودينا
تا يضل عنا بالوطن ايمان
ويضل مجدك فخر عاطينا
لازم يا جيش بلادنا المنصان
نرفع باسمك راية الابطال
ووحدك عا عرس المجد لاقينا
كل الكرامه بريحة تيابك
يا جيشنا كل الحدا هابك
بتضل شعلة فخر للأجيال
ويتعلمو الأبطال بكتابك
يا مشلح من الارز ما بينطال
يا فخر عليتْ عالمدى عتابك
بتضل مصدر عز شو ما انقال
وبتضل صورة بدلتك بالبال
وبيضل مجدك صانع الابطال
ويغفى الزمن عا عتبة بوابك
لما القلم بينام ما بيوعى
وتصير نار الحرب تحكمنا
ولغة حوار الناس ممنوعا
وصمت الحكي بالكفر يلزمنا
والطرق كلا تصير مقطوعا
والحقد والطغيان يقسمنا
بتبقى راياتك بس مرفوعا
انت يا جيش بلادنا بتضل
باسم الوفا عالنصر تعزمنا
%2B-%2BCopie.jpg)
