إلى أرواح شهداء السقيلبية الأبرار
– محردة -
يا سقيلبية الحزن والجمر دمعاتي
محروق قلبي أنا من نار آهاتي
زينة شبابك غدو بنياب وحش الردى
يا لوعة مصيبتي ويا ويل مأساتي
تماني يا أمي قضوا ما ضل منهم حدا
بالغار هاتي نكللن يا ميمتي هاتي
بعدن بعمر الورد يا عطر زهر الندى
عصفت رياح الغدر كسرت جناحاتي
تماني لمجد الوطن نادوا ورد الصدى
عشقي تراب الوطن لفدي بدماتي
يا سقيلبية ارفعي جبينك لعالي المدى
وقولي بعرسك يا وطن حنيت دياتي
واسمعي صوت الشهيد اللي بدمو فدى
مجروح صوت القصب من بوح ناياتي
بدمي سقيت الأرض ما راح دمي سدى
ويا سقيلبية الحلا قربانك بذاتي
أمي يا أمي إذا ناح الحمام وشدا
بخور ع قبري احرقي وضويلي شمعاتي
وكلما يابي ِّ الصبح لاحت طيورو وبدا
بهديك يا بي الوفا قلبي وقبلاتي
ويا إخوتي ورفقتي ويا جيرتي بالهدا
عالنعش رشوا المسك رشوا الورد والرز
وتذكروا طلتي ولاتنسوا كلماتي
وتذكروا بسمتي وارحموا نظراتي .
0 comments:
إرسال تعليق