نصائح قبل فوات الأوان/ رضا محمد السيد

يـــــاللى بانيت البُنـــــا وطلعت فى العالى
أسستـــــــها بالحجر وكان الحــــديد غالى
وبانيت وعاليت وبقيت تقول الدنيا ديمالى
وعملت أسانسير للنازلة والطــالعة طوالى
ولمــا جالك الفقير قلت له روح وأنا مـالى
ولما جـــــــــــــــاءك الأمر م الواحد العالى
بقيت تقول يــــــــــامين ياخد مالى وعيالى
وينزل القبر يجاوب لى فى ســـــــــــــؤالى

أعز الناس أمى :

أعــــــــــــــــــز الناس أمى
دى أغلى من روحى ودمى
وصــــــــــــانى ربى عليها
ومين غيرها شـــــال همى
عمرها عن باللى ما تغيب
ومالــــــيش غيرها حبيب
الدعــــــــوة منها تكفينى
ومــــا أحتاج أبدا لطبيب
لو طلبت عينى أديـــــها
والله العينين ما خسارة فيها
وواجب عليا أرضيــــــــــها
دا الجنة تحت رجليـــــــــها