كلام في السياسة/ محمد جنيدي

أنا زعلان منك يا سياسه
وكمان زعلان منكو يا ساسه
هيه مصايب الخلق وناسه
دا انتو قلبتوا الطهر  نجاسه

دي سياسه وساسه من الماضي
أولها آخرها كلام فاضي
هتضرك أكتر ما تراضي
وتخليك قابض علفاضي

دي سياسه يا عم انت وهوه
هتغير قلبك من جوه
من شاعر حساس لفتوه
ونهايتك مخلوع بالقوه

دي سياسه مفيش فيها تقولي
حريه واشوف منك ذلي
ما عدتش وعود راح تنفع لي
غير راحة البال وادعي تدوم لي