ابنك شهيد.. يا مصر/ محمـد محمد على جنيدي


عارف يا مصر دمي مش هيروح هدر
د انا منكِ وانتِ بلاد لا يمكن تنكسر
علشان ربوع بلدي تشوف نور القمر
علشان يعيش وطني ف. أمان من غير خطر
ضحيت يا مصر وكنتِ حلمي وكان قدر
أفديكِ دمي ودمي مش هيروح هدر
ابنك شهيد يا مصر يا أجمل وطن
علشانِك انتِ الروح تكون أغلى تمن
مهما لخاين الأرض يرميكِ لفتن
إنتِ سلام الكون وأرضك خير وأمن
راسك تملي لفوق ولو رجع الزمن
علشانِك انتِ الروح تكون أغلى تمن
عارف يا مصر بإنك إنتِ قسمتي
عارف رويت أرضك بدمي ودمعتي
عارف طريق الجنة أصبح سكتي
بس اللي روحي فيه وانا اللي ف. أخرتي
بتمنى اشاهد فيكِ يوم أمنيتي
يا مصر حقي يعود تعود لي بسمتي

CONVERSATION

0 comments: