ساعات اسرح فى ملك الله
ودمع العين بيسرقنى
واكتم صوتى وانا بالآه
غريب ...محروم ..يصدقنى
وساعات اتغمى بفعل الجاه
واحلامى تشــــــــــــــــــوقنى
وافوق من حلمى بفعل الآه
واغرق فى حقيقة بتسبقنى
وساعات احلم بطير فى سماه
واخدنى غُنــــــاه يطوقنى
واصحى وافوق بفعل عتاه
سلاسلهم تغرقـــــــــــــنى
وساعات احلم كأنى امير
فى قصر الشوق بسلطانه
حاسس بقلبى وحب كبير
غرام بالشوق لمرجانه
مابين حكاوى فى الاساطير
فريد من نوعى .. ومكانه
فى قصر كبير خدم وحرير
قصائد حب حيرانــــــه
وساعات احلم كأنى فقير
بلقمة عيشى مهموم
انام واصحى سريرى حصير
واتعشى وشاشى القوم
تغطينى سمايا حرير
يدفينى دعاء مظلوم
وابكى ...وربى قدير
بيعطينى رضا وفطوم
وساعات كتير تطير روحى
على الاعتاب وتتأمل
تسبقنى وانا ونوحى
مابين رحابه اتزمل
على بيته يزيد بوحى
بقلبى أد مااتحمل
واشكى له على جروحى
واتأسف له مااتجمل
واغيب فى الروضه بطروحى
واصلى وازيد على الاكمل
واعود من تانى وانا ودوحى
بنسمة شوق أتأمل
وساعات ..انسى ان انا انسان
واتحالف مع ابليس
اطيح بظلمى فى كل مكان
وانم فى غيرى بحقد وطيس
واكل حق... فقير غلبان
وابرز نابى وازيد تهليس
واسخر من غيرى كما الددبان
ويسعدنى اكون غطريس
واترك فرضى وصومى كمان
وانسى حساب ونار ابليس
وساعات ...اصاحب كده علماء
بنور العلم ...زادوا جمال
وادوب فيهم يزينى بهاء
ويئثرنى ...حيائهم حال
بضحكتهم ..اعيش فى صفاء
بايى الله ...وذكر الال
ساعات وساعات
0 comments:
إرسال تعليق